बागलुङ सोलेडाँडा नजिकैको तमान गाउँ वरपर आजकल भीमबहादुरका भेडा भेटिन्छन् । भीमबहादुर दुई तीन सय भेडाको बथान लिएर जाडो छल्न गाउँ झरेका हुन् । तर ती भेडा अब बिस्तारै उकालो लाग्नेछन् ।गर्मी बढ्न थालिसक्यो । भीमबहादुर भेडाहरु लिएर हिमालतिरको लामो यात्रामा निस्कने तयारीमा छन् ।
भेडाको पछि लागेर यसरी उकाली ओराली गरेको चार दशक नाघिसक्यो ।
पाँच छोराछोरी अ-आफ्नो बाटो लागिसके । भीमबहादुरलाई श्रीमतीले साथ दिन्छिन् ।
चिसो हिमालमा बसेर भीमबहादुरले बुनेका न्याना उनका लुगाहरु टाढा-टाढासम्म पुग्छन् । भीमबहादुरले भेडाबाट वर्षको ७-८ लाख कमाउँछन् रे । ‘मैले भेडा पालेकाे ४२ वर्ष बित्याे । पहिले-पहिले माथि बुकीतिर थुप्रो गोठालाहरु भेटिन्थे । तर नयाँ पुस्ताले मन नलगाउँदा भेडा पाल्नेहरु घट्दै गयाे ।’ भीमबहादुर तमान गाउँमा एक्लै भेडा हेरिरहेका थिए ।