मंसिर महिनाले बिहेका लगनहरु लिएर आउँछ । यसपालिको मंसिरमा हामी कर्णाली प्रदेशको एउटा बिहेमा सहभागी भयौं । जुम्ला जिल्ला पातारासी गाउँपालिकाको तिर्खु गाउँको बिहे घरमा हामीले ३ दिन बितायौं ।
भोलि जन्ती आउनेछ । आज अबेरसम्म आँगनमा टाटे पाक्दैछ ।
जुम्लाको जाडो माइनसमा ओर्लेको छ । आगो वरिपरि आफन्त महिलाहरु गहुँको पिठोको टाटे पकाउँदैछन् । पुरी जस्तै टाटे पाक्न थालेपछि बिहे घरमा रौनक सुरु हुन्छ ।
कराईमा टाटे झ्वाइँय गर्छ । महिलाहरु लय हालेर चाँची भन्दैछन् ।
फूल एक पटक फूलेपछि अर्को ऋृतुमा फेरि फुल्छ । मान्छेको जोवन एक पटक फुलेपछि फेरि फेरि फुल्दैन रे ।