दाङको घोराही बजार । बजार नजिकै पुनम नेपाली जुत्ता चप्पल सिलाउँछिन् । यहीँ बाटो भएर ओहोर-दोहोर गर्नेहरू उनैलाई फर्कि फर्कि हेर्छन् । किनकी घोराही चोकमा जुत्ता चप्पल सिलाउने उनी एक मात्र महिला हुन् ।
सुरु सुरुमा त पुनमलाई यो काम गर्न आउदैन थियो । पहिले घर धन्दामा मात्र व्यस्त हुने पुनमले जुत्ता चप्पल सिलाउन थालेको ६ वर्ष भयो । अनि त्यति नै भयो उनको श्रीमान बितेको पनि ।
यहीँ चोकमा, श्रीमानले जुत्ता चप्पल सिलाउँदा साथी आएको सम्झना ताजै छ । श्रीमान नभए पनि अहिले श्रीमानको कामलाई पुनमले निरन्तरता दिएकी छिन् । अनि यसैबाट भएको आम्दानीले घर चलेको छ ।
पुनमलाई धेरै पढ्ने यच्छा हुँदा हुँदै ८ कक्षामा पढ्दै गर्दा आमा बुबाले बिहे पराइघर पठाईदिए । पढाई जन्मघरमै छुट्याे । अहिले पुनम जुत्ता चप्पलसँगै फाटेको मन पनि सिलाउने प्रयास गर्दैछिन् ।
साहारा एक छोरा छ । बिहेपछि अधुरो भएकाे पुनमकाे पढ्ने सपना अब छोराकाे आँखामा देख्न थालेकी छिन् ।