कोही बिदेशबाट पैसा कमाएर फर्कन्छन् त कोही सिप र जाँगर । बैतडीका हरिश महरा भने सिप लिएर फर्किए । बैतडी पाटन नगरपालिकाका हरिश महरा ३ वर्ष कतार बसे । उता हुँदा ग्राफिक्स डिजाइनको काम गर्थे । बिदेशकाे ठाउँमा बसेर काम गरिरहदा देशमा नै केही गर्न सकिन्छ भन्ने उनकाे साेँच आयाे । साेँचलाई व्यवहारमा बदल्नु थियाे । त्यसैले केही साल अघि हरिश देश फर्कि आए । र आफ्नै गाउँमा सुरु गरे चप्पल कारखाना ।
कोरोना संक्रमणले धेरैको काम बिथोलिएकाे बेला हरिशको चप्पल कारखाना भने चलिरहेकै थियाे । हरिशको चप्पल कारखानामा गाउँकै तीन जना युवाले काम गर्छन् । उनीहरु आफ्नै गाउँमा स्वराेजगार बनेका छन् ।
‘आफ्नै गाउँमा सिप मूलक काम गरेर अरुलाई पनि स्वराेजगार बनाउने मेराे उद्देश्य हाे । मेहनत गरेपछि त आम्दानी त्यसै राम्राे हुन्छ । बिदेशबाट सिप ल्याएं गाउँमा पैसा कमाएं ।’ थोरै लगानीमा, गाउँघरमै केही गराैं भन्नेहरूका लागि हरिश गतिलो
उदाहरण बनेका छन् ।
