हुम्लाको चखेली लेकबाट सयौँ खच्चर भारी बोकेर आइरहेका थिए । कुनै खच्चडले ग्यास, कुनैले पानी, कुनैले अन्नपात तथा दालचामल बोकेका थिए। खच्चडको बथानसँगै अघिपछि दाैडिरहेका थिए सिहं रावल ।
जुम्लाका सिहं रावलले आफ्नो खच्चड हुम्लातिर ल्याएका छन् । अप्ठ्यारा बाटा अनि भिरपाखा छिचोल्दै उनी हुम्ला जुम्ला गरिरहन्छन् ।
२२ बर्षे रावललाई न बिदेश जाने बाध्यता पर्यो, न त पढ्ने रहर नै भो । बरू खच्चडले नै लोभ्यायो । यसरी रातदिन खच्चडकै पछि लागेको ३ बर्ष भयो । सिहं रावल हुम्ला जुम्लाका गाउँ-गाउँ ७ /८ दिन हिडेरै पुग्छन् ।
अग्ला पहाड र कहाली लाग्दा भिरहरू उनी र उनका खच्चडले कति पार गरे कति ।
यात्रामा कहिले खच्चड थाक्छन् कहिले सिहं रावल। रै पनि पाइला अघि बढिरहन्छन् । सिहं रावल एक महिनामा ७०/ ८० हजार सम्म कमाउँछन् रे।
अहिले त गाउँ-गाउँमा सडक पुग्न थालेका छन् । माल सामान पनि गाडी चढेर आउन थालिसके । सिंह रावललाई अब खच्चडहरू बेरोजगार हाेलान् कि भन्ने चिन्ता सुरू भइसक्यो ।