राती देखेको सपनाले सन्तोषीलाइ सन्तोष दिएको थिएन । साउदी अरबमा भएका श्रीमानसंग कुरा नगरी मन मानेन ।
त्यही दिन सन्तोषीका श्रीमान सुवास तामाङले साउदीमा तलब थापेका थिए । घरमा पैसा पठाउन ट्याक्सी चढे । अरू चार साथी पनि संगै थिए । तर घरमा पैसा हैन यस्तो खबर आयो ।
जुन ट्याक्सीमा सन्तोषीका श्रीमान् सुवास तामागसहित अरु चार जना चढेका थिए त्यो ट्याक्सी चलाएका थिए बाग्लुङका तेजेन्द्र भण्डारीले । तेजेन्द्रकी आमाले पनि फोनबाट छोराको खबर लिइन् ।
छोरा दुर्घटनामा परेर अस्पताल पुगेको खबर पाएदेखि आमा सुर्विताको शास अड्किए झैं भयो । एक पल्ट मात्रै छोराको आवाज सुन्न उनी गाडी खोलाको तिरैतिर फोन गर्ने ठाउँ ओख्रेनीसम्म कतिपटक ओहोरदोहोर गरिन् त्यसको लेखाजोखा नै छैन ।