ट्रेलर – सिमानाको कथा – हेर्ने कथाको अर्को अंकमा प्रस्तुत गर्नेछौं ‘सिमानाको कथा’ । अहिले चाहिँ ट्रेलर । हेरेर प्रतिक्रिया दिनुहोला । हेर्ने कथाको ११ औं अंकको ‘सिमानाको कथा’ प्रसारण हुने दिन – बुधबार, अगस्ट १ तारिख (साउन १६ गते) राति ९ बजे ।
Story of Ward Number 22 EP10
Herne Katha Episode 10 – Story of Ward Number 22 – वडा नम्बर २२ को कथा – गाउँ भनौं भने शहरको नक्सामा छ । शहर भनौं भने शहरका केही सामान्य विशेषता पनि छैनन् । नेपालगन्ज उपमहानगरपालिकाको वडा नम्बर २२ मा पर्ने किंघरियनपुर्वा गाउँको सेरोफेरोको कथा – वडा नम्बर २२ को कथा ।
यो गाउँमा मुसलमानहरु मात्र बस्छन् । मुसलमानमा पनि तल्लो जाति मानिने किँघरियनहरु । किँगरी भनिने बाजा बजाएर नाचगान गर्दै हिँड्ने भएकाले यो जातिलाई किँघरियन भनिएको रहेछ । आजकल तेस्ता परम्परागत बाजा लोप भइसके । तर नैना र केही महिलाहरुले नाचगान गर्ने पुर्ख्यौली पेशा अझै छाडेका छैनन् ।
A Dark Story EP09
Herne Katha Episode 09 – A Dark Story । हेर्ने कथा अंक ०९ – एउटा अँध्यारो कथा – कैलाली जिल्लास्थित पूर्वपश्चिम राजमार्ग छेवैको एउटा झुरुप्प बस्ति । बस्तिमा बस्छन् बादी समूदाय । नौला मान्छेसँग हत्तपत्त नखुल्ने यहाँ केही महिलाहरुले आफ्ना जीवनका अँध्यारा कथाहरु हामीलाई अँध्यारो कोठाभित्र सुनाए
तपाईंको कथा, तपाईंको भाका
हेर्ने कथा तपाईंको कथा, तपाईंको भाका हो । गाउँघर र मानिसका कथा सँगै सम्बन्धित ठाउँका लोक भाका र स्थानीय गीतहरुलाई पनि सँगसँगै प्रस्तुत गर्नु हेर्ने कथाको विशेषता हो । हामीले हेर्ने कथाको पहिलो अंक एउटा स्कूलको कथादेखि आठौं अंक जुबेदा खातुनको कथासम्म आइपुग्दा हरेक कथामा यस्ता भाका र स्थानीय गीतहरु प्रयोग गर्दै आइरहेका छौं ।
विभिन्न भाषा र चालचनल भएका नेपाली समुदायहरुमा दुःखसुःखका गाथा लोक गीत मार्फत व्यक्त गर्ने हाम्रो पुरानो, सुन्दर र धनी चलन हो । दुःखमा होस् वा सुःखमा नेपाली समाजले गीत गाउँछ । कहिले माया प्रितीको गीत गाउँछ कहिले विरहको गीत गाउँछ । समाजले आफ्नै कथा गीतबाट भन्न सिकेको धेरै पहिलेबाट होला सायद । बिहेमा गीत, रोपाइँमा गीत, गोठाला जाँदा गीत, घाँस काट्दा गीत । कति लयपूर्ण छ हाम्रो समाज ।
त्यसैले हेर्ने कथाका अंकहरु तयार पार्दा हामी समाजका त्यही लयलाई सकेसम्म छोड्न चाहँदैनौं । तर विडम्बना हाम्रा गाउँघरका पुराना लोक भाकाहरु बिस्तारै हराउँदैछन् ।
जुबेदाकी छोरी हीनाको गायक बन्ने सपना
तपाईंले जुबेदा खातुनको कथा हेरिसक्नु भयो भन्ने पक्कै थाहा भयो होला : जुबेदाकी छोरी हीनाको गायक बन्ने सपना को बारेमा । हीनाले गाएको एउटा हिन्दी गित प्रस्तुत गर्दैछौं जुन कार्यक्रममा समावेश थिएन ।
Beautiful Awadhi Folk Song from Nepal – Wedding Song [With Meaning]
Hina, Daughter of Zubeda Khatun is singing a Beautiful Awadhi Folk Song from Nepal . Her grandmother Malina is joining her. In Awadhi culture, this song is performed during wedding ceremony.
The Story of Zubaida Khatun EP08
The wait is over. Herne Katha Episode 08 – Story of Zubeda Khatun is finally here.
हेर्ने कथाको आठौं अंकमा जुबेदा खातुनको कथा लिएर आएका छौं । यो कथा बर्दियाको बाँसगढीस्थित एउटा मुस्लिम परिवारको कथा हो । र कथाकी मुख्य पात्र हुन् जुबेदा खातुन ।
सात कक्षा पढ्दा पढ्दा उनकै बिहे भयो । चार छोरीको आमा भइसकेपछि उनलाई फेरि पढ्ने रहर जाग्यो । मुस्लिम समुदायमा यो असम्भव जस्तै थियो । तर जुबेदाको दृढताले सबै असम्भवलाई जित्यो । जुबेदा खातुनको संघर्ष र प्रेरणाको कथा । सँगसँगै बन्द समाजभित्र अपवाद जस्तै बनेको उनको परिवारका रमाइला पाटाहरु । हेर्ने कथा अंक ०८ जुबेदा खातूनको कथा ।
‘एउटा स्कूलको कथा’ अँग्रेजी सबटाइटलसहित
धेरै दर्शक र श्रोताले ‘हेर्ने कथा’ का अंकहरु अंग्रेजीमा पनि राख्नुपर्यो भनेर सुझाव दिनुभएको थियो । तपाईहरुको त्यही सुझावलाई ध्यानमा राखेर हामीले ‘हेर्ने कथा’का अंकहरुमा अंग्रेजी सबटाइटल राख्न सुरु गरेका छौ । यसपालि ‘हेर्ने कथा’को पहिलो अंक ‘एउटा स्कूलको कथा‘को अंग्रेजी सबटाइटल गरेका छौ ।
Trailer – Story of Zubaida Khatoon । जुबेदा खातुन
Trailer – Story of Zubaida Khatoon – हेर्ने कथाको अंक ०८ मा हामी लिएर आउनेछौं ‘जुबेदा खातूनको कथा’ । पुरा कथा प्रसारण हुनेछ आउने सुक्रबार जुन १५ तारिख (असार १ गते) राति ९ बजे हेर्ने कथाको आधिकारिक युट्युब च्यानल https://youtube.com/hernekatha मा । अहिलेलाई चाहिँ झलक हेर्नुहोस् र कस्तो लाग्यो भन्नुहोस् है । अनि यो कथा के विषयमा होला जस्तो लाग्छ? मनमा लागेका कुरा कमेन्टमा लेख्न सक्नुहुन्छ । अनि हेर्ने कथाको युट्युब च्यानल सब्स्क्राइब गर्न चाहिँ नभुल्नुहोला है ।
Ghodeko Katha EP07
Ghodeko Katha – Herne Katha Episode 07 । । घोडेको कथा । अंक ०७
दिनभरि गाउँगाउँ डुलेर अन्न खोज्ने दाङका घोडेहरुको १ दिनको कथा । घोडेको कथा । गाउँको नाउँ हो बनगाउँ । दाङको तुल्सीपुरनजिकै पर्छ । यही बस्छन् घुमलाल चौधरी । उनले एउटा घोडा पालेका छन् । बनगाउँका अरु ४० घरमा पनि घोडा छन् । यी घोडाका मालिकहरु सबेरै घोडा चढेर निस्कन्छन् । एक विहान घुमलाल चौधरी र उनका साथीहरुलाई हामीले पछ्यायौं ।
हेर्ने कथामा घोडेको कथा
हेर्ने कथामा आज घोडेको कथा – आज जुन महिनाको १ तारिख । अर्थात् हेर्ने कथामा नयाँ कथा हेर्ने दिन । हेर्ने कथाको सातौं अंकमा हामी आज लिएर आउँदैछौं ‘घोडेको कथा’ । यो कथा दाङ जिल्लाको तुल्सीपुर आसपासमा खोजिएको कथा हो । घोडेको कथा आज राति ठीक ९ बजे हेर्ने कथाको आधिकारिक युट्युब् च्यानल https://youtube.com/hernekatha मा प्रसारण हुनेछ । तपाईं आफ्नो अनुकुल समयमा हेर्ने कथाको यो नयाँ अंक पनि हेर्नु हुनेछ भन्ने अपेक्षा छ । साथै विगतका अंकहरुमा झैं यसपटक पनि कथा हेरिसकेपछि आफूलाई मनमा लागेका कुरा कमेन्टमा लेख्न नबिर्सनुहोला ।
तपाईंलाई हाम्रा कथाहरु मन पर्छन् भने इन्टरनेट चलाउन नजान्ने आफ्ना आफन्त र साथीसँगीलाई पनि ती हेर्ने कथा देखाउनु होला । अहिलेलाई हेर्ने कथा टेलिभिजनमा प्रसारण नहुने भएकोले हेर्ने कथा हेर्ने एक मात्र माध्यम हाम्रो युट्युब च्यानल नै हो । च्यानल सब्स्क्राइब गर्नु भएको छैन भने आजै गर्नुहोला । साथै हाम्रो फेसबुक पेजमा पनि हामीले हेर्ने कथाका नयाँ अंक र ट्रेलरहरु राख्ने गरेका छौं । फेसबुकमा पनि हेर्ने कथासँग जोडिन सक्नुहुन्छ ।
तपाईंको सम्झनाको लागि: हेर्ने कथा महिनामा २ पटक आउँछ । अँग्रेजी महिनाको १ तारिख र १५ तारिख । आज बेलकुी ९ बजे घोडेको कथामा भेटौंला है त । घोडेको कथाको ट्रेलर हेर्नु भएको छैन भने तल हेर्न सक्नुहुन्छ ।
Trailer Ghodeko Katha ।घोडेको कथा ट्रेलर
Trailer Ghodeko Katha – हेर्ने कथामा नयाँ कथा आउने बेला हुनै लाग्यो । हेर्ने कथाको अंक ०७ मा हामी लिएर आउनेछौं ‘घोडेको कथा’ । पुरा कथा प्रसारण हुनेछ आउने सुक्रबार जुन १ तारिख (जेठ १८ गते) राति ९ बजे हेर्ने कथाको आधिकारिक युट्युब च्यानल https://youtube.com/hernekatha मा । अहिलेलाई चाहिँ झलक हेर्नुहोस् र कस्तो लाग्यो भन्नुहोस् है । अनि यो कथा के विषयमा होला जस्तो लाग्छ? मनमा लागेका कुरा कमेन्टमा लेख्न सक्नुहुन्छ । अनि हेर्ने कथाको युट्युब च्यानल सब्स्क्राइब गर्न चाहिँ नभुल्नुहोला है ।
Chiya Baganka Shikariharu EP06
चिया बगानका सिकारीहरु – पूर्व झापाको ज्यामिरगढीस्थित वेन्डी वस्ति । मेची नदीको किनारैमा चियावगान माझको सन्थाल गाउँ । गाउँका धेरैजसो मान्छे चियावगानमै काम गर्छन् अनि फूर्सदमा चाहिँ शिकार गर्न हिँड्छन् । मुसाको शिकार । वेन्डी वस्तिका सन्थालहरुसँगै हामी पनि आज मुसाको शिकारमा जाँदैछौं ।
झापाको चियाबगान वरपर मुसा सिकार गरेर खानेहरुको कथा ‘चिया बगानका सिकारीहरु’ हेर्ने कथा अंक ०६ ।
Herne Katha Episode 06– ‘Chiya Baganka Shikariharu’ is about rat hunters near a tea estate in Jhapa, Nepal. Rat Hunting is an old tradition of Sathal (Satar) community in Nepal. They go hunting whenever they have free time. Rat hunting is also part of their festivals and other rituals. Apart from rat, they hunt for other rodents in nearby tea estates.
यसअघि हेर्ने कथाको अंक ०५ मा बाटोको कथा प्रसारण भएको थियो । हेर्ने कथाका सबै कथाहरु हेर्नको लागि हाम्रो युट्युब च्यानल सब्स्क्राइब गर्नुहोला ।
Gharko Katha with English Subtitles
हामीलाई धेरै दर्शकहरुले बारम्बार एउटा आग्रह गर्नुहुन्छ ‘हेर्ने कथाका कथाहरुमा अँग्रेजी सबटाइटल पनि राख्नुपर्यो’ । दर्शकहरुको चाहना हुन्छ कि हामी हाम्रा कथाहरु गैरनेपालीभाषी विश्वलाई पनि देखाउन सकौं । हुन त हामीलाई पनि सुरुदेखि नै अँग्रेजी सबटाइटल राख्न मन नलागेको होइन । तर हामीले हाम्रा बाध्यता बेलाबेला सामाजिक संजालका कमेन्टमार्फत नि व्यक्त गरिसकेका छौं ‘हामी असाध्यै सिमित स्रोत साधनमा हेर्ने कथा लिएर आएका छौं’ । अँग्रेजी सबटाइटल राख्न हामी आफैं भ्याउँदैनौं/सक्दैनौं ।
तर कसो कसो यसको पनि समाधान भेटेका छौं हामीले । यसको सुरुवात हेर्ने कथाको तेस्रो अंक ‘घरको कथा’ बाट गरिएको छ । अब तपाईंले नेपाली भाषा नबुझ्ने आफ्नाहरुलाई घरको कथा अँग्रेजी सबटाइटलसहित देखाउन सक्नुहुन्छ ।
Chiya Baganka Shikari Haru Trailer
चिया बगानका सिकारीहरु ट्रेलर – हेर्ने कथाको आगामि अंकमा हामी प्रस्तुत गर्दैछौं ‘चिया बगानका सिकारीहरु’ । यो हेर्ने कथाको छैठौं अंक हो । यो कथा मंगलबार मे १५ तारिख (जेठ १ गते) राति ९ बजे हेर्ने कथाको आधिकारिक युट्युब च्यानल https://youtube.com/hernekatha मा प्रसारण हुन्छ । अहिलेको लागि ‘चिया बगानका सिकारीहरु’ को पहिलो झलक हेर्नुहोस् ।
विद्या चापागाई लाई चन्द्रवीरका छोराले यसरि चिनेका थिए
विद्या चापागाई सहित हामी हेर्ने कथा टोली चन्द्रवीरको घर भर्खरै पुगेका थियौं । खुलेर कुराकानी भइसकेको थिएन । हाम्रो टोली उनको आँगन वरपर थियो । चन्द्रबीर र साइँला छोरा लोकराज आँगन छेउको फलेकमा बसेका थिए । चन्द्रबीरका अरु सन्तानजस्तै लोकराज पनि आँखा देख्दैनन् ।
चन्द्रबीरको घरमा टिभी छैन । रेडियो चाहिँ उनीहरुको हरवखतको साथी रहेछ । सबैजना रेडियो सुनिरहन्छन् । रेडियो बजिरहन्छ । चन्द्रवीरले कथामा पनि भनेका थिए राति १० बजे रेडियो बन्द हुन्छ अनि सुत्छु भनेर
लोकराजले हेर्ने कथा सहकर्मी विद्या चापागाईंको आवाज चिने चिने जस्तो गरे । त्यसपछि भएको थियो यो रमाइलो संवाद । हामीले मोबाइलमै भए पनि यो पर्दापछाडिको यो संवादलाई कैद गरेका थियौं ।
Batoko Katha EP05
Chandrabir Oli – Story of 72 year old Chandrabir Oli from Dang in Western Nepal. Who for 2 years, alone carved a road through forest and mountain to his home, so that his blind family members could walk. Batoko Katha (Story of a Road) Episode 05 – Herne Katha
आँखा नदेख्ने परिवारलाई हिँडडुल गर्न सजिलो होस् भनेर जंगल र भीर छिचोल्दै २ वर्ष लगाएर एक्लै बाटो खन्ने दाङका चन्द्रबीर ओलीको कथा : बाटोको कथा । हेर्ने कथा अंक ०५ ।
चन्द्रवीर वलीको घर जंगलको माझैमा पर्छ । ११ जनाको परिवारमा ९ जनाले आखाँ देख्दैनन् । गाउँ शहर र उकाली ओराली गर्न भीरका बुट्यानहरुहरु समाउँदै हिँड्नु पर्ने । ७२ वर्षको उमेरमा चन्द्रवीरले एउटा अनौठो सपना देखे । सँधै दुःख दिने भीरहरु भत्काउँदै अाँगनसम्म पुग्ने एउटा बाटो खन्ने ।
विहान जुरुक्क उठ्यो । भातभान्छा तयार गर्यो । परिवारलाई खुवायो । सरसफाई गर्यो । अनि बाटो खन्न हिड्यो ।
पुषमाघको मुटु कमाउने जाडो कट्यो उनले बाटो खनिरहे । वैशाख जेठको मध्य घाममा पसिना पुछिरहे र बाटो खनिरहे । असार साउनको झरिमा रुझिरहे र बाटो खनिरहे । चाडबाड आयो गयो । भोक तीर्खा र थकाइ बिर्सेर उनले बाटो खनि नै रहे । चन्द्रवीरले २ वर्ष लगातार एक्लै बाटो खने ।
उनी र कान्छा छोरा बाहेक परिवारका ९ जनाले आखाँ देख्दैनन् । जहान परिवारलाई परेको अप्ठेरो देखेर उनले बाटो खन्न थाले । ७२ वर्षको उमेरमा उनले जंगलको माझमा पर्ने आफ्नो घरसम्म पुग्ने बाटो बनाउन सुरु गरे ।चन्द्रवीरलाई बाटो खन्न दुई वर्ष लाग्यो । उनले दाङबाट सल्यान जाने बाटोको साततलेदेखि माथि खमारी गाउँसम्मको २ किमि जंगल र भीरपाखाको बाटो एक्लै छिचोले ।अहिले त्यहाँ डोजर लगाइएको छ । गाउँलेहरु यही बाटो आउजाउ गर्छन् ।
हेर्ने कथाका सबै अंकहरु हेर्न हाम्रो आधिकारिक युट्युब च्यानल https://youtube.com/hernekatha सब्सक्राइब गर्नुहोस् ।
तपाईंलाई यो कथा मन पर्यो भने जुबेदा खातुनको कथा पनि मन पर्न सक्छ ।
तपाईं हामीसँग फेसबुकमा पनि जोडिन सक्नुहुन्छ : https://facebook.com/hernekatha
Sunko Katha EP04
सुनको कथा । Sunko Katha । Story of Gold – हेर्ने कथाको चौथो अंकमा सुनको कथा । यो कथा बर्दियाको राजापुरस्थित कर्णाली नदीको किनारामा सुन खोज्ने मान्छेहरुको कथा हो ।
बर्दियाको राजापुर । कर्णाली नदीकै किनारामा एउटा चिटक्कको गाउँ छ । चैतको टन्टलापुर घाममा गाउँका आइमाइ केटाकेटीहरु टाउकामा केही सरसामान बोकेर नदीको बगरतिर लागे । अनि हामी उनीहरुको पछिपछि लाग्यौं ।
यो कथा बर्दियाको राजापुरमा कर्णाली नदीको किनारामा रहेको सोनाहा बस्तिको हो । सोनाहा समुदायका मानिसहरुको परम्परागत पेशा नदी किनाराबाट सुन निकाल्नु हो । तर सुन निकाल्न सजिलो चाहिँ छैन । चर्को घाममा दिनभरि मेहेनत गर्नुपर्छ । बगरबाट ढुङ्गा बालुवा बोक्नुपर्छ । त्यसलाई धोइपखाली गर्नुपर्छ ।
सुन निकाल्ने उनीहरुको आफ्नै परम्परागत सीप र प्रविधि छन् । प्राय सुन खोज्ने काम चाहिँ महिलाहरुले गर्छन् । केटाकेटीहरुले पनि सघाउँछन् । हामीले यो कथामा सोनाहा समुदायका महिलाहरुलाई विहानदेखि साँझसम्म पछ्याएका छौं । कसरी ढुङ्गा बालुवाबाट सुन निकाल्ने रहेछ त । थाहा पाउनको लागि यो रोचक कथा हेर्नुहोस् ।
यो हेर्ने कथाको चौथो अंक हो । यसअघि हेर्ने कथाको तेस्रो अंकमा हामीले घरको कथा प्रस्तुत गरेका थियौं । घरको कथा क्यानडाबाट ९ वर्षपछि आएर आफूले लामो समय बिताएको शिविरमा पुगेका भुटानी शरणार्थीहरुको मार्मिक कथा हो । घरको कथा हेर्नको लागि क्लिक गर्नुहोस् ।
हेर्ने कथाका सबै अंकहरु हेर्नको लागि हाम्रो युट्युब च्यानल सब्स्क्राइब गर्नुहोस् । हेर्ने कथा युट्युबमा मात्र प्रसारण हुन्छ । हामी हरेक १५ दिनमा नयाँ कथा लिएर आउँछौं । युट्युब च्यानलमा जानको लागि क्लिक गर्नुहोस् ।
तपाईं हेर्ने कथासँग फेसबुक ट्वीटर र इन्स्टाग्राममा पनि जोडिन सक्नुहुन्छ ।
सुनको कथा ट्रेलर ०२ – Trailer 02 – Story of Gold
सुनको कथा ट्रेलर – हेर्ने कथाको आगामि अंक ‘सुनको कथा’ । दोस्रो झलक हेर्नुहोस् । सुनको कथा आइतबार, अप्रिल १५ तारिख (वैशाख २ गते) राति ९ बजे हेर्ने कथाको आधिकारिक च्यानलमा प्रसारण हुनेछ ।
Story of Gold Trailer 01 । सुनको कथा ट्रेलर ०१
Story of Gold Trailer – हेर्ने कथाको आगामि अंक ‘सुनको कथा’ । पहिलो झलक हेर्नुहोस् । सुनको कथा आइतबार, अप्रिल १५ तारिख (वैशाख २ गते) राति ९ बजे हेर्ने कथाको आधिकारिक च्यानलमा प्रसारण हुनेछ ।
Gharko Katha EP03
घरको कथा – उनीहरु भूटान भन्ने देशमा रहेको आफ्नो घर छाडेर दुःखका पहाडहरु काट्दै नेपाल आए । यही घर बनाए । जीवनका कैयौं घामपानी उनीहरुले यहिँको माटोमा बिताए । ९ वर्षपहिले फेरि उनीहरुको घर बदलियो । सपनाका सात समुद्रमाथि उड्दै उनीहरु क्यानडा पुगे । घर त्यहिँ भयो । झन्डै १ दशकपछि अहिले उनीहरु आफूले छोडिगएको आँगनमा पुराना सम्झनाहरु खोज्दै थिए ।
A family of Bhutanese Refugees re-settled in Canada since last 9 years revisit their old shelter camps in Eastern Nepal where they had spend two decades after fleeing Bhutan in the 1990s.
यसअघि हेर्ने कथाको अंक दुई मा चौकिनीको कथा प्रसारण भएको थियो । हेर्ने कथाका सबै अंकहरु हेर्नको लागि हाम्रो आधिकारिक युट्युब च्यानल सब्स्क्राइब गर्नुहोस्
Chaukiniko Katha was published in Episode 02 of Herne Katha. Please subscribe our YouTube Channel to watch all full episodes.
घरको कथा ट्रेलर ०२ । Gharko Katha Trailer 02 ।
घरको कथा ट्रेलर ०२ । घरको कथाको दोस्रो ट्रेलर हेर्नुहोस् । यो कथा ९ वर्षपछि आफू हुर्की बढेको आँगन सम्झी क्यानडाबाट झापाको शिविर आइपुगेका भुटानी शरणार्थीहरुको परिवारको कथा हो ।
Gharko Katha Trailer 01 । घरको कथा ट्रेलर 01
Gharko Katha Trailer – हेर्ने कथाको तेस्रो अंकमा आउँदैछ ‘घरको कथा’ । झलक हेर्नुहोस् । यो कथा आइतबार, चैत १८ गते राति ९ बजे हेर्ने कथाको आधिकारिक युट्युब च्यानलमा प्रसारण हुनेछ ।
घरको कथाको दोस्रो ट्रेलर यहाँ हेर्न सकिन्छ ।
घरको कथा पुरा कार्यक्रम हेर्न पाउनु भएको छैन भने यहाँ हेर्न सकिन्छ ।
घरको कथा अँग्रेजी सबटाइटल सहित उपलब्ध छ । हामी हेर्ने कथाका सबै अंकहरुमा बिस्तारै अँग्रेजी सबटाइटल राख्दै जानेछौं ।
हेर्ने कथाका सबै अंकहरु हेर्नको लागि हाम्रो युट्युब च्यानल सब्स्क्राइब गर्नुहोला । तपाईं हामीसँग फेसबुक ट्वीटर इन्स्टाग्राम लगायतका सामाजिक सन्जालमा पनि जोडिन सक्नुहुन्छ ।
हेर्ने कथाका सिलसिलामा हामीले देखेका भोगेका अन्य कुराहरुलाई पढ्ने कथा मार्फत पनि सुनाउने गरेका छौं । पढ्ने कथामा यसअघि हेर्ने कथाका सहकर्मी विद्या चापागाईंले ‘चौकिनीको कथाको कथा’ लेख्नु भएको थियो ।
Folk Songs Baglung Dhorpatan । ढोरपाटनको भाका
Folk Songs Baglung Dhorpatan – चौकिनीको कथामा समावेश भएका ठेट भाकाहरु पुरा अपलोड गरेका छौं । आशा छ मन पराउनु हुनेछ ।
यस भिडियोमा ढोरपाटनका चौकिनी आमाहरुले खाउँ त भने सुन्तला पानी, यानीमाया जस्ता पश्चिमका पुराना र हराउँदै गएका मिठा लोक भाकाहरु गाउनु भएको छ । हेरेर आनन्द लिनुहोला ।