अन्तिम खुसी
म पेशाले जेनेरल सर्जन हु । मेरो जन्म स्याङ्गजाको विकट गाउँ इलुङ्गामा भएको हो । गरिब परिवारमा जन्मेर पनि मेरा बा आमाको कडा मिहेनतले सरकारी स्कुल पढेर पनि छात्रबृत्ति पाउँदै पाउँदै म यहाँसम्म आइपुगेको हुँ । विडम्बना म डाक्टरी पढदै गर्दा मेरी आमा पित्तथैलीको क्यान्सर र बा माथिल्लो खाने नलीको क्यान्सरले बित्नुभयो ।क्यान्सरले मृत्यु नहुँदा सम्मको बिरामीलाई हुने पीडा शब्दमा व्यक्त गर्न सकिन्न ।म त्यस्तो अभागी डाक्टर हुँ र म अभागी छोरो पनि हुँ जसले आफूलाई यो उचाईसम्म पुर्याउने बा-आमालाई बचाउन सकेन । यसै प्रसङ्गमा यो कथा जन्मिएको हो
