पश्चिम रुकुम बाँफिकाेटका डाँडाकाँडा बिहानैदेखि कुहिराेले ढाकेकाे छ ।
कुहिराे छिचाेल्दै १४ वर्षका जनक साथीहरूसँग मैदानतिर लाग्छन् ।
उमेरले सानै भए पनि उनी आफ्ना साथीहरूका गुरु भएका छन् ।
मजदुरी गर्न हिडेका आमाबुबासँगै जनक पनि काठमान्डाैँ पुगेका थिए ।
डेरा नजिकै अरुले कुम्फाे सिकेकाे देखेर जनकलाई पनि सिक्ने रहर पलायाे ।
बुबा कमाएकाे पैसा रक्सिमै सक्थे । आमा भने घर चलाउन र जनकलाई कुम्फाे सिक्न समेत खर्च जुटाउथिन् ।
पछि बुबालाई काठमान्डाैँतिरै छाेडेर आमाछाेरा मामाघर फर्किए ।
‘छाेराले रहर गरेर सिक्याे अहिले त आफ्नै साथीहरुलाई सिकाउने गुरु बने । कहिलेकाही छाेराले सिकाउने ठाउँमा गएर हेर्छु । रमाइलाे लाग्छ । खुसी पनि लाग्छ ।’ जनककी आमा खुसी पाेख्छिन् ।
जनक अहिले आफ्नै उमेरका १५ /२० जना साथीभाईलाई कुम्फाे सिकाउने भएका छन् ।
एकजना बराबर महिनामा २०० रुपैयाँ पाउछन् । उनकाे पढाई खर्च यसैबाट टर्छ ।