हेर्ने कथाका केही रोचक तथ्यहरु

हेर्ने कथाका केही रोचक तथ्यहरु देखाउँदैछौं । हेर्ने कथाका ११ अंकसम्म आइपुग्दा सबैभन्दा धेरै हेरिएको कथा कुन होला?

सबैभन्दा धेरै हेरिएको कथा – सुनको कथा – अंक ४

हेर्ने कथाको अंक ४ ‘सुनको कथा’ सबैभन्दा धेरै हेरिएको कथा हो । यो कथा अहिलेसम्म ३ लाख २२ हजार पटक हेरिएको छ । 

1. सुनको कथा – ३ लाख २२ हजार
2. बाटोको कथा – २ लाख ५४ हजार
3. घरको कथा – २ लाख ५ हजार

सुनको कथा बर्दियाको राजापुरस्थित कर्णाली नदीको किनारामा सुन खोज्ने मान्छेहरुको कथा हो ।

सबैभन्दा कम हेरिएको कथा – सिमानाको कथा

असाध्यै धेरै कमेन्ट र लाइक भएता पनि यो सामग्रि तयार पार्दा सम्म सिमानाको कथा सबैभन्दा कम हेरिने कथा हो । सिमानाको कथा प्रसारण भएको ४ दिन मात्र भएकोले पनि यसो भएको हुनसक्छ । सिमानाको कथा लगायत सबैभन्दा थोरै पटक हेरिने कथाहरु यसप्रकार छन् :

1. सिमानाको कथा – ७२ हजार
2. चिया बगानका सिकारीहरु – ८२ हजार
3. वडा नम्बर २२ को कथा – १ लाख ६ हजार

झापाको मेचीपारिको नेपालको कथा व्यथा । दुईतिर मेची नदीका भँगाला अनि सीमानामा ‘थिचोमिचो’ । हेर्ने कथा अंक ११ – सिमानाको कथा

सबैभन्दा धेरै कमेन्ट गरिएको कथा – बाटोको कथा

हेर्ने कथामा सबैभन्दा धेरै कमेन्ट गरिएको कथा बाटोको कथा हो । बाटोको कथामा झन्डै १५ सय कमेन्टहरु गरिएका छन् । बाटोको कथापछि एउटा अँध्यारो कथा र सुनको कथामा धेरै कमेन्ट गरिएका छन् । ती दुबै कथामा १ हजार कमेन्ट छन् । 

सबैभन्दा धेरै लाइक पाउने कथा – बाटोको कथा

बाटोको कथाले नै अहिलेसम्म सबैभन्दा धेरै लाइक पाएको छ । बाटोको कथामा झन्डै १० हजार लाइक छन् । 

1. बाटोको कथा – ९ हजार ७ सय लाइक्स
2. सुनको कथा – ८ हजार ३ सय लाइक्स
3. घोडेको कथा – ५ हजार ४ सय लाइक्स

सबैभन्दा धेरै डिसलाइक पाउने कथा – सुनको कथा

लाइक्स पाउनेमा दोस्रो नम्बरमा परे पनि सुनको कथा डिसलाइक पाउनेमा चाहिँ पहिलो नम्बरमा पर्छ । 

1. सुनको कथा – १ सय ६२ डिसलाइक
2. बाटोको कथा – १ सय ३२ डिसलाइक
3. एउटा स्कूलको कथा – ११५ डिसलाइक

अहिलेसम्म सबैभन्दा थोरै डिसलाइक पाउने कथा चाहिँ सिमानाको कथा नै हो । यो कथामा जम्मा ४० डिसलाइक छन् । 

सबैभन्दा धेरै महिलाले हेरेको कथा – एउटा अँध्यारो कथा

हाम्रा कथाका दर्शक धेरैजसो पुरुष हुनुहुन्छ । यद्यपि अहिलेसम्म सबैभन्दा धेरै महिलाले हेरेको कथा चाहिँ एउटा अँध्यारो कथा हो । यो कथा हेर्नेमध्ये २७ प्रतिशत महिला छन् । सबैभन्दा कम महिलाले हेरेको कथा चाहिँ घोडेको कथा हो । यो कथाका कूल दर्शकमध्ये केवल १२ प्रतिशत मात्र महिला छन् । 

अनि सब्स्क्राइबर चाहिँ?

हेर्ने कथाको युट्युब च्यानलको सब्स्क्राइबर संख्या ५० हजार पुग्न लाग्यो । तर केवल २२ प्रतिशत मात्र महिला सब्स्क्राइबर हुनुहुन्छ । यो संख्या कसरी बढाउने होला?

हेर्ने कथाको अहिलेसम्मका केही रोचक जानकारिहरु अहिलेलाई यति नै । तपाईंलाई चाहिँ अहिलेसम्म सबैभन्दा मन परेको र मन नपरेको कथा कुन हो ? कमेन्टमा लेख्नुहोला है ।